Ventanaykumanta - 8 punchaw marzo killapi

Ventanaykumanta

Kunan punchawmi 8 punchaw marzo killapi 2019 watapi, ventanaykumantam callekunata qawayku. Ñawpaq kaq rikusqaykuqa oficinaykupa chimpanpi kaq huch’uy qhatupi mana sayk’uspa llank’asqanku warmikunan. Kay p’unchayqa yuyarikunmi unaymantaña maskhasqa llank’ay derechokunata, tiempo pasashaqtinpas wakin cheqaskunapin tiempoqa sayan. Aswan mana allinpi llamkachkanku, yarqaymanta qullqita gananku kaptinku, mana kaptinkutaq, kikinkumanta aprovechakusqankuta, sayk’uchikuq llamkay punchawkunatapas aguantanku. Chaynallatam mesankuman mikuyta churayta atinku.

Warmikuna, qharikuna kaqlla kanankupaq maqanakuyqa unaymantapachan, chaypin warmikunaqa llank’aymanta, política nisqamanta, social nisqamanta, cultural nisqa derechokunata mañakuq movimientokunapi protagonista karqanku, hinallataqmi kashankupas. Manaña negayta atisunmanchu suyunchiskunaq marcos legales nisqapi necesario, importante progreso ruwasqakunata, ichaqa askharaqmi ruwana, askha t’ikraypas kanraqmi. Warmikunaqa hinallam sapaqchasqa hinaspa qarqusqa kachkanku, chaymi imaymanapi rikurin, llamkaypi hinaspa política nisqapi participacionmanta pacha, violencia patriarcal nisqakama, chaynallataq derechos sexuales y reproductivos nisqanchikta negasqa kasqankukama.

Warmikunapa maqanakuynin, maqanakuyninchikqa, política nisqa; maskhan atiyta t’ikrananpaq mana kaqlla rimanakuykunata, chaykunan paqarichimun mana chanin ruwaykunata, sistemas de opresión nisqakunatapas; kayraykun, kunan p’unchaykunapi pakawaqninchis kuyuykunata kallpachaq maqanakuqkunaman, ñawpaqman puriqkunamanpas yupaychayku.

Kay 8 punchaw marzo killapim, pachantinpi agendakunaman hukllawakunchik, chaykunam llapan mañakuyninchikkunata hatarichin, chaymi munan huk kaqlla kayta hatarichinapaq, chaymi respetakun imaymana kaqkunata, chaynallataq achka identidadkunata, chaykunam kallpanchan feminista kuyuykunata, imarayku kasqankuta, chaynallataq maqanakuyninkutapas. Warmikuna, ñawpaqman purichkaykupuni, ñawpaqmanpuni.

¡Agendanchis hunt’akunanpaq!

Maqanakuyninchiskunapaq

Sinchita ganasqanchis derechonchisrayku