Manifestación ojejapóva tráfico de personas rehe

Ára 30 de julio 2018, Día Mundial Contra el Trata de Personas, Santa Cruz de la Sierra-pe, umi familia víctima ha organización derechos humanos osê tape rehe odenunsia mbegue institucional ohekávo tapicha okañýva, hetave adolescente ha mitãrusu adulto. Hogayguakuéra opyta esperanza ojuhúvo chupekuéra ha ojerúre intervención gubernamental omyesakã haguã mba'épa oiko ko delito jerére.

Umi víctima ko delito-pe ojesecuestra ha ojegueraha tenda mombyry ifamilia-gui ojeobliga haguã red de tráfico-pe. Umi prejuicio ha estereotipo cultural ominimisa gravedad orekóva situación; ofalta mecanismo efectivo investigación ha seguimiento, ohejáva umi víctima completamente noñangarekóiva.

Bolivia-pe, ary 2012 ha 2016 mbytépe, oî 2.591 marandu delito ko'ãichagua. Ko'ãva apytégui Poder Judicial oguenohê 44 sentencia orekóva ka'irãime umi acusado rehe; ára ha ára, oñemombe’u mbohapy tapicha okañyha (Página 7). Umi marandu sa'i, deficiencia institucional ha ndaipóri tembiporu investigativo ha seguimiento oheja umi familia ojere jepy'apýpe cargo guive cargo peve, ogueraháva peteî mba'asy ha'éva ha ndaha'éiva ñembyasy, ndoikuaáigui oikovépa térã omanópa umi ohayhúva.

Organización de Familias de Personas Desaparecidas Santa Cruz-pe he'i:

Ojehechávo mbegue ha complacencia institucional, rojerúre léi boliviana oike desaparición delito ramo ha ani oha'ãrõ clasificación penal okañy forzada peve.

Oha'ãrõvo 48 aravo térã hetave opresenta haguã denuncia ha'e completamente ilegal ha oviola derecho constitucional oike haguã directamente ha pya'e justicia-pe; oheja mante umi víctima-pe oñeñangareko’ỹre ha ndaikatúi ojapo mba’eve. Upévare rojerúre pya'e acción umi káso tráfico de personas ha okañýva.