Solidaridad umi kuña indígena Paikoneka ndive

Organización Indígena Paikoneka de San Javier (CIP-SJ) ha Organización de Mujeres Indígenas Paikoneka (OMIP-SJ), 60 comunidad afiliada ndive, odeclara estado de emergencia ha alerta permanente péva amenaza omotenondéva intendente San Javier, Armando Barbery Landivar. Peteî acto de abuso de poder ha discriminación flagrante comunidad Indígena municipio-pe, oreko intención oipe'ávo propiedad Paikoneka: Centro Prenatal de las Comunidades Indígenas de San Javier, oñemopu'ãva fondo UPRE administración ohasávape. Mburuvicha municipal, pretexto oipytyvõvo lucha COVID-19 rehe, odecidi oipyhy Centro Prenatal consulta ÿme ha omoambue tasyo umi paciente COVID-19-pe guarã, oiporúvo título municipal yvy reheguáva osustituíva título de propiedad Indígena. Péicha ojapóvo mburuvicha oviola oikóvo derecho jurídico ohechakuaáva institución ko'ágãguáva ha oñangarekóva Constitución rehe. Ko actitud ohechauka flagrante violación léi oisãmbyhýva conducta propia autoridad municipal ramo ha falta de respeto completo dignidad comunidad Paikoneka-gua. Kuñanguéra comunidad San Javier-gua ha iorganización-kuéra oguenohê peteî sapukái desesperadamente solidaridad tavayguakuéra ndive, ha particularmente kuñanguéra Indígena ndive, ikatu haguã oñehendu Bolivia ha mundo-pe, ohapejokóvo ko asalto omboykéva derecho orekóva pueblo Indígena, ovioláva Convención 169 OIT-pe, ha omoîva en peligro kuñanguéra rekove, hyeguasúva ha peteî mitã michîva ndive, oguatáva aravo pukukue chuguikuéra comunidad-kuérape oguahê haguã táva oîhápe ginecólogo. He'i jepi chupekuéra "oju jey haguã ko'êrõ", mba'e ndikatúiva chupekuéra guarã oîgui distancia puku, situación precaria orekóva ojokóva opaga haguã transporte mokõi jey, ha realidad oîha ha'eño hógape. Iporã ñanemandu'a Central Indígena Paikoneka py'ÿi ombohovái amenaza de adquisición mburuvichakuéra local, omyendýva voi tata instalaciones orekóva peteî forma de humillación umi oñeanimáva oñorãirõ haguã iterritorio rehe ha ombotývo resistencia comunidad Indígena ombohováivo negación derecho político, económico, social, cultural ha ambiental orekóva. Ko'ágã, Armando Barbery Landivar ojuhu pretexto perfecto: ombohováivo coronavirus comunidad Indígena rógape ha Centro Prenatal orekóva. Pe tema ha’e sensitivo; avave ndikatúi ombocháke intención odefendévo tekove contexto pandemia-pe. Ha katu ñañeporanduva’erã: mba’épa ojehúta kuña Indígena rekovére? Mba’épa oje’éta umi Indígena pyahu oútava omombarete haguã tekoha —peteĩ cultura, por cierto, oñevendéva folklore ramo umi mburuvichakuéra voi oñemomba’eguasúva patrimonio cultural ambue mba’éva rehe? Centro Prenatal ha'e peteî tenda refugio, opytu'u ha oha'ãrõva parto. Hetave peteî propiedad-gui, centro orepresenta victoria derecho reproductivo kuñanguéra ha Pueblo Indígena ha'ekuéra oikehápe. Legítimo ramo ko autoridad odefendeseha tekove, mba'érepa oñemopu'ã instalación pyahu ha ombopuku tratamiento umi ohasa asýva COVID-19-gui? ¿Mba'ére noñemoambuéi umi instalación oîva Asociación Ganadero róga guasúpe? Mba'ére ojeaprovecha umi recurso escaso orekóva Pueblo Indígena? Plataforma de Derechos Humanos de Santa Cruz, Bolivia, okondena ko'ã tembiapo ha ojerúre mayma fuerza social ha movimiento odefendéva derechos humanos ombojoaju ha okondena asalto comunidad Indígena Paikoneka bienes rehe. Ko'ã ganancia ojehupytýva hasy ha'e derecho ndoperdéiva periodo de transición térã cambio de gobierno ndive. Rokondena violencia penal ojeataka hague umi kuña omantene va'ekue vigilia oñangareko haguã iCentro Prenatal rehe. ! ROÑEMBOYKE UMI ACTITUD COLONIALISTA AUTORIDAD MUNICIPAL DE SAN JAVIER-PE OJEJAPO HAGUÉPE ASAULTO HA AMENASA. NDOROJEJYMO'ÃI JEVE.