Cuarentena-pe ñandetrata hikuái delincuente-icha

Cuarentena odecretáva gobierno nacional ombotapykuévo Coronavirus ojeipysóva Bolivia-pe, ha omboguatáva Policía ha Fuerzas Armadas, hetave jey oservi excusa térã argumento oviola haguã derecho ciudadano, péva ojeporúgui fuerza excesiva opersegi ha omongyhyje haguã umi oñeanimáva osê tape rehe ohekávo sustento ijehe ha ifamilia-pe guarã.

Peteî kuñakarai omba'apóva pequeña comercio mercado-kuérape Santa Cruz de la Sierra-pe omombe'u ñandéve situación económica orekóva ndohejái opermiti opyta hógape oimponeháicha gobierno nacional transitorio, péva oîgui encargado ha oñangarekógui irundy inieto rehe (mitã gueteri) ha odepende hikuái ingreso ogenera ikatu haguã osubsisti ára ha ára.

“Roime ko’ápe rokañy, péicha, upéicha, ivaivéva umi mondahagui, ha ndoroikuaái moõpa romongaru ore membykuérape”, oike ko sy ha abuela rembiasápe, ndorekóiva ambue arma ni tembiporu ipo ÿre osê haguã omba’apo ára ha ára, odefiende tesâi, pero opa mba’e ári isuerte, ani haguã ojejagarra policía ha ojegueraha célula policial-pe, multa oikehápe.

“Aikuaa iñimportanteha oñekumpli ko cuarentena, ha katu ymaite guive ojejapova’erãkuri, oiko mboyve ko problema Bolivia-pe, ha katu mburuvichakuéra ndaikatúikuri oñeorganisa (...) ko’áĝaite amongakuaa irundy nieto, che ha’e mokõive papá ha mamá chupekuéra ĝuarã, ajoguava’erã kamby ha pañal che nietokuérape ĝuarã ha ndarekói avave ome’ẽva chéve ni peteĩ centavo”, ha’e osapukái, oñeha’ãvo ovende iproductokuéra.

He'i avei oñatendeva'erãha policía municipal-kuéra rehe, oguahêva mercado-kuérape ha oipe'a directamente imercadería térã producto ome'ê'ÿre mba'eveichagua explicación, ha orrecuperase jave pe ojeipe'ava'ekue, pe multa tuichaiterei ha ndaikatúi ojepaga.

Omotenondévo ko'ã mba'e oipy'apýva, odenunsia avei umi centro de salud pública noñatendeséiha umi tapicha orekóva mba'eveichagua mba'asy, ha umi mba'apohára oargumenta paciente opresentava'erã peteî condición de salud añetehápe grave oñepohano haguã, ha omondo hikuái hógape.

“Ambue árape araha che nieto centro de salud La Colorada-pe ha he’i chéve hikuái ndopohanomo’ãiha chupe ha araha va’erã che nieto hógape (...) Ndoroguerekói pirapire rogueraha haguã centro médico privado-pe, roipota oñepohano centro de salud pública-pe, ndoroipotái ojere orerehe imboriahu haguérente”, odenunsia.

Cuarentena ndikatúi ojeporu argumento ramo oviola haguã ciudadanía derecho. Policía ha militar oiméva tape rehe oreko misión constitucional oñangarekóvo población rehe, ha especialmente ko pandemia jave, odirigívo chupekuéra, pero ani haguã oacusa, omongyhyje térã omondýi.

Mburuvichakuéra local, regional ha nacional ome’ẽva’erã respuesta efectiva umi mba’e oikotevẽva población-pe, ko’ýte salud ha hi’upyrã rehegua. Hesakã porã multa ha ka'irãime ndaha'eiha tape porã omboguejy haguã Coronavirus ñemyasãi.

RADIO ALTERNATIVA 103.0 FM SANTA CRUZ - BOLIVIA