28 ary ha hetave’imi

Ohasáma diez mil doscientos veinte día, 28 ary jeguata puku éxito ha fracaso, oaprende ojuehegui, oñeha'ãvo ojerurévo ñande derecho, péva equivalente impulso colectivo odesmantela haguã patriarcado ha'éva sistema de opresión kuñanguéra, adolescente ha mitãkuña Santa Cruz-pe.

Ohai: Miriam Suárez Vargas

Centro de Mujeres oñemopyenda 1 jasypokõi 1990. Ñande japarticipáva upe jave araka'eve ndahesaraimo'ãi hetaiterei kuña oikeva'ekue marcha de mayo, "Día Internacional de los Trabajadores", omoherakuãvo apertura Centro de Mujeres ojoajúva ambue movimiento social ojeruréva avei libertad omoambuévo injusticia estado de bienestar orekóva oportunidad joja. Umi ñembohory ha opinión siniestra mbytépe cargada misoginia-gui, rojedeclara feminista ramo.

Ko proceso jaikuaa haĝua opaichagua experiencia rehegua ombohape ñande apysa ñahendu ha ñañandu haĝua umi kuña oikovéva ha osegíva oikove pe mba’e vaiete kuimba’ekuéra violencia rehegua. Rojedescubri ha’eha diverso, orekóva experiencia personal iñambuéva, ha katu peteĩ denominador común reheve ore rekovépe: pe violencia kuimba’e ha género rehegua ojepysóva ore resa renondépe, peteĩ barrera-icha orejokóva rohecha haĝua pe horizonte ha ikolorkuéra. Ro’aprende hermandad ha rojuhu umi ñe’ẽ guía orepytyvõva romomarandu haĝua umi decisión ha acuerdo ojehecha ha rodenunsia haĝua pe violencia ojejapóva ore rete rehe. Roikuaa ore pópe oĩha pe decisión opa haĝua pe violencia.

Oñemoheñói guive, Kuña Róga oñorairõ abiertamente umi sistema de opresión ha discriminación rehe, ha jajapóta gueteri upéicha. Oĩ aja kuña ojeruréva iderécho ohupyty haguã justicia, ha avei toñekumpli oimeraẽ ambue derecho, jaguata ñande mbarete opermitiháicha, ha upéi ambue kuña oipyhýta manto ha omotenondéta conquista kuña emancipación rehegua.

Ñapensávo pe tiempo ohasava’ekuére, jahecha kuña py’aguasu ohasáva frontera privado guive público peve ojedescubri haguã ciudadano ramo orekóva derecho opa mba’épe, discriminación’ỹre mba’eveichagua, heredera tuicha pionero umi lucha justicia social rehegua; jaguerohory feminismo ha'eha peteî pensamiento ha práctica odesmistifikáva machismo ha hegemonía poder orekóva kuimba'ekuéra.

Umi áño ohasava’ekuépe, roguerohory mas de cien mil kuña ore oficina-pe, ijerovia rupive olegitima ha osegíva olegitima ore compromiso roñemotenonde haguã jepénte umi obstáculo financiero ha ambue rohasáva.

Vy'apavê, che irûnguéra! Tuichaiterei ñañoañuãta, tuichaitereíva opavave ñane angirũ ha ñande rapichakuérape ĝuarã. Aguyje.